తెలుగు ప్రభ

నా మొదటి పుటలో (home page) నా కొత్త కవితలను మాత్రమే ఉంచుతున్నాను. ఇతర కవితలను చదవాలంటే “నా మొత్తం కవితలు” క్లిక్ చేయండి.

౧౧. మానవుడు – దానవుడు

ప్రతి మనిషిలో రాముడున్నాడు; రావణుడున్నాడు

అహాన్ని జయించిననాడు రాముడు అవుతాడు

ప్రతి మనిషిలో సీతా ఉంది; శూర్ఫనఖ ఉంది

సహనం కోలుపోనినాడు సీత ఆవిష్కరింపబడుతుంది

ప్రతి మనిషిలో కృష్ణుడున్నాడు, కంసుడు ఉన్నాడు

మంచి తెలుసుకొన్న వాడే కృష్ణుడు అవుతాడు

ప్రతి మనిషిలో వామనుడున్నాడు; బలి చక్రవర్తీ ఉన్నాడు

చెడుకి అండగా లేనప్పుడు వామనుడిలా జయిస్తాడు

ప్రతి మనిషిలో ప్రహ్లాదుడున్నాడు; హిరణ్యకశపుడు ఉన్నాడు

ద్వేష బావం తగ్గిననాడే హరి కనిపిస్తాడు

ప్రతి మనిషిలో నరుడున్నాడు; నారాయణుడున్నాడు

ఈ జీవితసత్యం అర్ధం అయితే; నరుడే నారాయణుడు అవుతాడు

-------------------- అర్జున